அரசின் அவலட்சணம்

தமிழகத்திற்கு மட்டும் ஏன்இந்த விலை உயர்வு.. வாட் வரி மதிப்புகூட்டிவரி 27% இருந்து 34% ஆக உயர்த்தி தமிழக அரசு அறிவித்திக்கிறது.. முன்னறுப்பின்றி மக்கள் மீதான வரி விதிப்பதென்பது சர்வாதிகாரம்.. நிலையற்ற அரசு இதுபோன்ற முடிவுகளை எடுக்க தார்மீக உரிமையில்லை.. என்ன காரணம்.. தமிழக அரசு பெரும் நிதிநெருக்கடியில் இருப்பதாகவும் பென்சன்தாரர்களுக்கு சம்பளம் வழங்ககூட நிதி இல்லை என்கிறார்கள்..ஐந்துலட்சம் கோடி கடன்சுமை இந்த ஆண்டு தவணை மட்டும் 17 ஆயிரம் கோடி கட்டவேண்டியிருக்கிறது ஆனால் கையில் காசில்லை.. இதே நிலை நீடித்தால் அரசு திவாலாகிவிடும்.. மிக மோசமான நிதி சுமையை அதிமுக அரசு கடந்த ஐந்தாண்டுகளில் செய்திருக்கிறது.. ஒரு பக்கம் நிதிச்சுமை மறுபக்கம் நிர்வாக சீர்கேடு தன்மீது வழக்கால் சரியாக செயல்படமுடியாமை ஜெயலலிதா அரசின் லட்சணம் இதுதான்.. .. மிக மோசமான அரசை தமிழகம் இதுவரை கண்டதில்லை .. அரசு நலதிட்டங்களுக்கு பணம் இல்லாதது அறிந்தும் மீண்டும் மீண்டும் நலத்திட்டங்களை தொடர்ந்து அறிவித்து மக்களை ஒருவித எதிர்ப்பார்ப்பில் இருக்கவைத்ததும்.. அதையே மூலதனமாக்கி தேர்தலில் வெற்றி பெற்றதும்தான் நடந்தது .. காசுக்கு வாக்களிக்கும் கயமை .. நம்மிடையே குற்றவுணர்வே இல்லாமல் எப்போது வந்ததோ அன்றே நேர்மையான அரசியல் /அரசு என்பது இல்லாமல் போனது.. மிகவும் ஏழைகளை குறிவைத்து பணவிநியோகம் என்பது போய் நடுத்தர மக்களையும் ஏன் வசதிப்படைத்தோரையும் விலைக்கு வாங்கிட முடியுமென்கிற நிலையை இங்கே உருவாக்கி இருக்கிறார்கள்.. பணத்தை செலவு செய்தவன் அதை திரும்ப எடுக்க எதையும் செய்ய துணிகிறான்.. எம்எல்ஏக்கள் விலைபோனார்கள் என கூக்குரலிடும் நாம்தான் வாக்குகளை விற்று இருக்கிறோம்.. பின் எப்படி நல்ல அரசு வரும் நல்லவர்கள் வருவார்கள்.. .. நிர்வாக திறமையை பறைசாற்றியவர்களை தொலைநோக்கோடு திட்டங்களை வகுத்தவர்களை எதையும் அளவோடு சலுகைகளை வழங்கி கீழ்த்தட்டில் இருப்போரை உயர்த்திவிட நினைத்து அதை செயலிலும் நிரூபித்தவர்களை மறந்து.. நமக்கு தொடர்ந்து இன்னலை தந்தாலும் அரசு நிர்வாகத்தை அலங்கோலமாக்கினாலும் நமக்கென்ன என்றிருந்ததால்தான்.. இன்றைக்கு அறிவிலிகளின் கைகளில் அரசாங்கம் மக்கள் அல்லல்படுகிறார்கள்.. இன்னும் நிறைய வரும் அரசின் கையாலாகாத செயல்கள்.. அமைதியாய் கடந்து போகவேண்டியதுதான்.. .. அரசியல் கோமாளிகள் கையில் நிர்வாகம்.. #திவால் .. தோழர் ஆலஞ்சி