திராவிட அரசியல்

தமிழக அரசியலில் ஜெயலலிதா மறைவிற்கு பிறகு வெற்றிடமாய் போனதைப்போல ஊடகங்கள் கதையளக்க தொடங்கியிருக்கிறது.. அந்த வெற்றிடத்தை..? பாஜகவை கொண்டு நிரம்பலாமென கனவு காண்கிறார்கள்.. முதலில் அந்த வெற்றிடமென்பதே ஒருவகை மாயை..அதிமுக செயலிழந்திருக்கிறது.. அவ்வளவுதான்.. அதாவது சரியான தலைமையை இன்னும் தயார்படுத்தவில்லை அல்லது தலைமை பொறுப்பிற்கு வந்த சகிகலாவை சிறைக்கனுப்பியதால் அந்த வெற்றிட தோற்றம் பெரிதாக தெரிகிறது.. .. உண்மையில் சசிகலா செயல்பட்டுக்கொண்டே இருக்கிறார்.. மிக எளிதாக விளங்கும்..பன்னீரை தூண்டி .. வலைவிரித்து வைத்திருந்தும் எவரும் விழவில்லை.. இரு அணிகளும் இணைப்பென்று சொல்லி சொல்லி கடைசியில் அவர்களுக்கே அலுப்புவந்துவிட்டது.. சசிகலாவை விலக்கி வைக்கவேண்டுமென்ற கோரிக்கை தினகரனோடு யாரும் சேரக்கூடாதென்ற நிபந்தனைகள் எல்லாம் என்ன ஆனதென்று இருசாராருக்குமே தெரியவில்லை.. அதாவது சசிகலாவை இப்போது கூட சிறைக்குச்சென்று அமைச்சர்கள் முதல் முக்கிய தலைவர்கள் தினம் தினம் சந்தித்து வருகிறார்கள்.. சிறைச்சாலையையே அதிமுக அலுவலகமாக.. மெல்ல மாற்றியிருக்கிறார் சசிகலா.. .. சசிகலா பதுங்கியிருப்பதை பாஜக சரியாக எடைபோடவில்லை அது எதிர்மறையாற்றுமென அறிந்திருக்கவில்லை..தினகரனும் தம்பிதுரையும் சசிகலாவை சந்தித்திருக்கிறார் ஜனாதிபதி தேர்தலில் யாருக்கு வாக்களிபிபதென்பதை பொதுசெயலாளரே தீர்மானிப்பார் என்கிறார் தினகரன்..சிறையில் நான்காண்டு காலம் இருக்கவேண்டி வந்தாலும் மீண்டு வரும்போது அதிமுக இவர் பக்கம்தான் செல்லும்.. வெற்றிடத்தை பாஜக நிரம்புமென நினைப்பவர்களுக்கு இது பேரிடியாகும்.. .. தமிழகத்தில் திமுகவிற்கு எதிரான அரசியலை செய்ய அதிமுகவை தவிர வேறேந்த கட்சியும் தயார்படுத்திக்கொள்ளவே இல்லை.. சிறியளவில் வளர்ந்திருக்கிற கட்சிகள் பெரும் அலையில் காணாமல் போகும்.. அதிமுகவிற்கு பெரியதொரு இழப்பு ஏற்படலாம் ஆனால் அது முடிவரையாக நிச்சயமாக இருக்காது.. நிறைய சேதாரங்களை சந்தித்தாலும் நிலைநிற்பில் தடுமாற்றத்தை தந்து மிகப்பெரிய தோல்விகளை பெற்றாலும் .. அதிமுகவின் அடித்தளம் பலமானது.. .. திமுக மற்றும் அதிமுகவிற்கு எல்லா ஊர்களிலும்.. கிளைகளிலும் இன்னமும் அதிமுககாரர்களாகவே இருப்பவர்களும் அவர்களின் செல்வாக்கும் பாஜக போன்ற கட்சிகளுக்கில்லை.. சில இடங்களில் ஜாதிய மத ரீதியான ஆதரவிருக்குமே தவிர எல்லா இடங்களிலும் பூத்ஏஜெண்டிற்கே ஆள் தேடவேண்டிவரும்.. பாஜக பாமக தேமுதிக .. போன்ற உதிரிகள் பெரியதொரு தாக்கத்தை தந்துவிட முடியாது.. தமிழகத்தில் எல்லா ஊர்களிலும் கிளைகழகங்களை வைத்திருப்பவர்கள் திமுக அதிமுக தான்.. மற்றவைகள்.. அரசியலில் ஜோக்கர்கள் பலன் தருவார்கள் ஆனால் ஆட்டத்தை தனித்துநின்று ஆடமுடியாது.. .. திமுக v/s அதிமுக.. இதுதான் எப்போதும் தமிழகத்தின் நிலை.. பாஜகவோ..ரஜினியோ யாரை ஊடகங்கள் தூக்கிவைத்து ஆடினாலும் கடைசியில் கிடைப்பது ஏமாற்றமாகவே இருக்கும்.. இப்போது திமுகவின் கை ஓங்கியிருக்கிறது #ஸ்டாலின் பலமான எதிராளி இல்லாமல் இருக்கிறார்.. காலம் தவிர்க்கமுடியாத தலைமையாக #தளபதியாரை உயர்த்திபிடித்திருக்கிறது ஆனாலும் அதிமுகவே எதிரியாகவோ செயல்படும் மற்றவர்கள் வேறுவேலை பார்க்கலாம்.. .. #தமிழகம்_திராவிடஅரசியலையே_பேசும்.. .. தோழர். ஆலஞ்சி