நல்ல தலைவர்..
பதவி வரும் போது பணிவு வரவேண்டும் என்பதற்கொப்ப தன் தொண்டர்களுக்கு நல்ல அறிவுரைகளை வழங்கி .. நீ முக்கியம் ,பத்தாண்டு பட்ட கஷ்டங்களிலிருந்து நாடு பெறும் விடுதலையை கொண்டாட எண்ணுவது இயல்பு ஆனாலும் பெருந்தொற்றுகாலத்து கொஞ்சம் விலகி இருத்தல் அவசியம் என உணர்ந்து
வீடுகளிலேயே இருந்து மகிழ்ச்சியாய் கொண்டாடுங்கள் என்கிறார்.. கூடவே மாற்றுகட்சியினருக்கும் அறிவுரை வழங்கி நல்ல தலைவராய் நிமிர்ந்து நிற்கிறார்..
..
எல்லா கணிப்புகளும் ஸ்டாலின் தமிழக முதல்வர் என உறுதிசெய்கிறது .. நீண்டகாத்திருப்பிற்கு பின் வரும் விடியல்.. கடந்தகால தவறுக்கு வருந்தி மக்கள் தனக்கான தலைவனை தேர்வு செய்திருக்கிறார்கள் .. "இவன் முடிப்பான்" என்ற பெரும் நம்பிக்கை .. அடிதொழுது புறவாசல் கடந்துவந்த களவாணிகளால் நாம் இழந்ததை எண்ணி வருந்தியவர்கள் இனியும் இந்த பொய்யர்கள் தொடர்ந்தால் நாடு "வடநாடாகிவிடும்" என சிந்தித்து நல்ல முடிவை எடுத்திருக்கிறார்கள்.. அடுத்த தொகுதிக்கே தெரியாத அரைகுறைகள் "முதல்வர்" இருக்கையை அசிங்கபடுத்தி வடவனுக்கு கைகட்டி நின்று தமிழர்களை தலைகுனிய வைத்த நிகழ்வு வரலாற்றில் தீராத கறை..
..
தலைவர் ஸ்டாலின்
பண்பட்ட தலைவராய் போர்குணம் கொண்டவராய், பகைவெல்லும் வீரராய், தயாளகுணம் கொண்டவராய், மக்கள் மீது தீராத காதல் கொண்ட நன்மணியாய், கடின உழைப்பும் நேர்மையும் நன்னெறி அரசியலும் இயக்கத்தை வழிநடத்தும் ஆற்றலும், கொண்டகொள்கையும் தெளிவும் உறுதியும், எது பகையென வெளிப்படையாக அறிவித்து போர் தொடுக்கும் துணிவும், தொலைநோக்கு பார்வையும்
கலைஞரின் நேரடி பயிற்சியும் பெற்ற பெருமைமிகு தொண்டராய், நாடும் நாட்டுமக்களும் நம்பும் நல்ல தலைவராய் மிளிர்கிறார்..
..
கடும் உழைப்பு திராவிடப் பெருந்தலைவர்கள் களத்தில் இல்லை ,சில விவரகேடுகள் திராவிடத்தின் அஸ்தமனம் என்றெல்லாம் எழுதி தங்கள் அரிப்பை சொரிந்துக்கொள்ள, முடிந்ததுபார் திராவிடத்தின் ஆட்சி என சிலர் கொக்கரிக்க, வாய்ப்பிருந்தும், புறவாசல் வழி இருந்தும், மக்கள் தரவேண்டும், களம் கண்டு வென்றதாய் இருத்தல் வேண்டும் மக்கள் அன்பை பெற்றதாய் தகுதியுள்ளவனை தேர்ந்தெடுத்ததாய் மக்கள் மகிழவேண்டும், நேர்மையோடு எதுவும் கிட்டியதாய் வேண்டும் அதுவே சிறப்பு, வரலாற்றில் புகழப்படும் என காத்திருந்து களம்கண்டு பெரும் வெற்றியோடு வருகிறார் தங்கதளபதி
..
இனி ..
இழிவு நீங்கும்
துயர் துடையும் , நல்லாட்சி நம் ஆட்சி, நானிலம் போற்றும் திராவிட ஆட்சி மலரும்..
காலம் தந்த தலைவனை கொண்டாடுவோம்
#தலைவர்_ஸ்டாலின்..
..
ஆலஞ்சியார்
