திமுகவும் இஸ்லாமியர்களும்..

..

திமுக முஸ்லிம்களுக்கு எதுவுமே செய்யவில்லையென்றே வைத்துக் கொள்வோம்.. பாஜகவை காட்டி பயமுறுத்துகிறது, சிறைவாசிகளின் விடுதலை என்னானது என்ற கேள்விகளை தவிர்த்து வேறெதாவது திமுகவை வேண்டாம் என்பதற்கு காரணம் சொல்ல முடியுமா என்றால் இல்லை

..

சிறைவாசிகள் விடுதலையில் அதிமுக ஆட்சியில் எதாவது செய்ததா .. Lord ராமருக்கு இங்கு கட்டாமல் வேறெங்கு கட்டுவது என்ற ஜெயலலிதா,.. அதிமுக எதிர்த்து வாக்களித்திருந்தால் CAA சட்டமாகியிருக்காதென்ற சாதரண புரிதல் கூடவா இஸ்லாமிய சமூகத்திற்கு இல்லாமல் போனது .. இஸ்லாமியர்களுக்கு உள் ஒதுக்கீட்டை தந்த போது மதரீதியான இட ஒதுக்கீடு என விமர்சித்தவர் ஜெயலலிதா இது உச்சநீதிமன்றத்தில் நிற்காது என்று சொன்னவரும் அவர்தான்

..

உண்மையில் முஸ்லீம்கள் அரசு தரும் உதவிகளை உரிமைகளை சரியாக பயன்படுத்திக் கொள்கிறார்களா , அதற்காக 48 அமைப்புகள் முயற்சி செய்தார்களா, +2 ல் மதிப்பெண் 60% விழுக்காடுகளுக்கு மேல் வாங்கினால், மாநில அரசின் உதவி தொகை உண்டு 80% விழுக்காட்டிற்கு ஒன்றிய அரசின் உதவி தொகை உண்டு.. இந்த அமைப்புகளுக்கு எவ்வளவு உதவி தொகை என்றாவது தெரியுமா.. 2021/ 2022 கல்வி ஆண்டில் தகுதியுள்ள முஸ்லிம் மாணவச் செல்வங்கள் 63.5% விழுக்காடு உதவி தொகை பெறவில்லை அது குறித்து விழிப்புணர்வு பிரசாரம் செய்வதுண்டா..

..

திமுக அரசு வழங்கிய சலுகைகள், உரிமைகள் போல் வேறெந்த அரசாவது செய்ததுண்டா.. அரசியல் காய்நகர்த்தல்களில் யாரோடு எப்போது கூட்டணி வேண்டுமென தீர்மானிக்கிறது இஸ்லாமியர்களுக்கு மட்டுமல்ல அனைத்து சமுதாயத்திற்கும் தான் அரசு .. அயோத்திக்கு செல்லவிரும்பினால் உதவிகள் செய்யபடுமென அமைச்சர் சொன்னால் பாஜகவோடு இணைந்துவிட்டதாக சொல்பவர்கள் இஸ்லாமியர்களுக்கு அதேபோல் சலுகைகளை செய்கிற போது இநதுக்களில் பெரும்பான்மையினர் கூப்பாடு போடுவதில்லையே..

..

வேறெந்த ஆட்சியையும் விட திமுக ஆட்சிக்கு வரும் போதும் போராட்டம் கோரிக்கைகள் என எல்லோரும் தூக்கம் கலைத்து எழுகிறார்கள், இந்த அரசு செய்து தரும் என்ற நம்பிக்கையில் இப்போது கூட நீண்டநாள் சிறைவாசிகள் விடயத்தில் சட்டரீதியான நகர்வை திமுக செய்கிறது .. பாஜகவின் செயல்திட்டத்தை மிக சரியாக செய்கிற ஒரு கூட்டம் இஸ்லாமிய பொது சமுகத்தின் முன் கேவலப்பட்டு நிற்கிறது என்பது தான் உண்மை .. 

..

நிற்க..

திமுக எல்லோருக்குமான இயக்கம்,  நியாயமான கோரிக்கைகள் கேட்காமலேயே நிறைவேற்றி தரும் என்ற நம்பிக்கை முஸ்லிம்களிடத்தில் உண்டு ..  எத்தனை சூழ்ச்சி செய்தாலும் "பொய்கட்டி" ஆடினாலும், "நல்லிணக்க" நாடகம் போட்டாலும்  மதசார்பின்மை வேசம் கட்டினாலும் அரிதாரம் கலையும்.. ஏனெனில் உங்களிடம் உண்மை இல்லை ..  திமுக தவிர்த்து வேறெந்த கட்சியோடு நெருக்கம் காட்டினாலும் "விழலுக்கு இறைத்த நீர்"..

..

ஆலஞ்சியார் 

செம்மொழித் தமிழ்ப் பண்பாட்டுக் கூடல்

"தோழி" ..

வேலைக்கு செல்லும் மகளிருக்கான தங்கும் விடுதி ..

திராவிடத்தின் சாதனைகளில் மகத்தான ஒன்று .. வெளியூர்களில் இருந்து வந்து தங்கி பணிபுரிவோர் சந்திக்கும் பிரச்சனைகளில் தலையாயது தங்கும் விடுதிகள்..

கிடைப்பதறிது கிடைத்தாலும் பாதுகாப்பு குறைபாடுகள் வசதி குறைவு அதைவிட பெரும் செலவு இவையெல்லாம் வெளியூரிலிருந்து வந்து பணிபுரியும் மகளிருக்கே தெரியும் அவர்கள் படும் கஷ்டங்கள்..

..

மாதம் ₹300 என சொற்ப தொகையில் நவீன வசதிகளும் கூடிய தங்கும் அறைகள், குறைந்த சம்பளம் ஈட்டுவோர் பெரும்பகுதியை லேடீஸ் ஹாஸ்டலுக்கு செலவிட வேண்டியிருந்தது அதிலும் ஏகப்பட்ட அழுத்தங்கள் கட்டளைகள், நிபந்தனைகள்..  அரசின் மகிளிர் தங்கும் விடுதி பெரும் பெருட்செலவை குறைப்பதற்கு பாதுகாப்பை உறுதிசெய்கிறது..

..

கருணையுள்ள முதலமைச்சர் பெணகளுக்காக அவர்கள் வளர்ச்சி சமூகத்தில் அவர்களுக்குரிய அங்கீகாரம் கல்வி வேலைவாய்ப்பில் உறுதியான நிலை என தொடர்ந்து மகளிர் மேம்பாடொன்றே லட்சியமாக கொண்டு செயல்படுகிறார்.. கல்லூரி படித்தால் மாதாமாதம் உதவி தொகை .. குடும்ப பெண்களுக்கு உரிமை தொகை என மகளிர் மேம்பட்டிற்காக சிந்திப்பதும் செயல்வடிவம் தருவதும் "பெரியாரின்" வடிவமாய் நம் முதலமைச்சர் காட்சியளிக்கிறார்.. 

..

பெரியாரை, பேரறிஞரை, பேரறிவாளனை சரியாக உள்வாங்கி திராவிட இயக்கம் எதற்காக ,யாருக்காக தொடங்கபட்டதோ அதன் உணர்ந்து மகளிர் கல்வி தரம் உயர்ந்தால் நல்ல சமுதாயம் படைத்திடலாம் என தொடர்ந்து மகளிர்க்காக கட்டணமில்லாத பயணம் தொடங்கி கட்டணமில்லா கல்வி என தன்னம்பிக்கையோடு வாழ நல்ல சமூகத்தை உருவாக்க தொடர்நது திட்டங்கள் தீட்டி தமிழ்நாட்டை மிளிர செய்கிறார் .. 

M. K. Stalin 

Chief Minister of Tamil Nadu 

..

திமுக ஆட்சி

 #முத்துவேல்கருணாநிதிஸ்டாலின் ஆட்சி 

மகளிர் முன்னேற்றத்திற்கான முகவரி 

"தோழி" பெயரிட்டு அழைப்பதில்லை தெரிகிறது திராவிடம்.. 

..

பாருக்குள்ள நல்ல நாடு எங்கள் தமிழ்நாடு.. 

..

ஆலஞ்சியார் 

செம்மொழித் தமிழ்ப் பண்பாட்டுக் கூடல்

"அப்பா சொன்னாரென

பள்ளிக்கு சென்றேன்

சில நண்பர்களை தவிர்த்தேன்,

சண்டை போட்டுக் கொண்டேன்

கல்யாணம் கட்டிக் கொண்டேன் காத்திருக்கிறேன் 

என் முறை வருமென்று"

கனிமொழியின் கவிதை ..

..

கனிமொழி கருணாநிதி ..

எளிமையான அணுகுமுறை, எதற்கும் அஞ்சா துணிச்சல்,கொள்கை தெளிவு, அரசியல் புரிதல், நேர்பட பேசும் ஒழுங்கு, தலைச்சிறந்த தலைவரின் மகள் என்ற அகந்தையில்லாமை , தலைமைக்கு கட்டுப்படும் பண்பு, கனிவான பார்வை, எதிரிகளை இன்முகத்தோடு அடித்தமர்த்தும் ஆளுமை என தமிழ்நாட்டின் சிறந்த தலைவர்களில் ஒருவராக திகழ்கிறார்.. கனிவு,திடம், மனவலிமை,முற்போக்கு சிந்தனை இவையனைத்தும் கொண்ட பகுத்தறிவாளர் கனிமொழி.. 

..

கலைஞர் தன் இலக்கிய வாரிசு என சொன்னவர் அரசியலில்  "கவிஞர்" கனிமொழி கருணாநிதி என விளித்து அறிமுகம் செய்தார் 

அரசியலில் இலக்கியமாய் திகழ்கிறார் கனிமொழி.. மக்களால் தேர்ந்தெடுக்கப்பட்ட உறுப்பினராக வேண்டும் என்பதில் உறுதியாக இருந்தார் முதல்முறை மாநிலங்களவைக்கு சென்றாலும் தேர்ந்தெடுக்கப்பட்ட பிரதிநிதியாக வேண்டும் மக்கள் செல்வாக்கில் வெற்றி பெற வேண்டும் என தூத்துக்குடியை தேர்வு செய்து மக்களோடு கலந்தார்.. 

..

தன் தொகுதி மக்கள் குறைகளை கேட்டு உடனுக்குடன் நிவர்த்தி செய்வதும் இந்த பேரிடரில் நான் இருக்கிறேன் நம்பிக்கையை தந்ததும் மூழ்கும் நிலை வந்தாலும் நானும் வருவேன் என தண்ணீரில் இறங்கி நிவாரணப்பணிகளை செய்து நன்மதிப்பை பெற்றார்..

கலைஞரின் குணத்தை கண்டேன் 

உயர்சாதியினருக்கான பொருளாதார இட ஒதுக்கீட்டை ஆதரித்து பேசிய தோழர் ரங்கராஜனுக்கு எதிராய் சினம் கொண்டு நின்ற போது போராளியாய் காட்சிதந்த போது பெரியாரின் பெயர்த்தியை கண்டேன்..

..

சிறந்த சனநாயகவாதியாக, பேச்சில் நாகரீகமும்,நயமும் பழுத்த அரசியல்வாதியைப் போல நேர்த்தியாக அதேவேளை கொள்கை உறுதியோடு மக்கள் நலன் சார்ந்து இனம் மொழி கலை பண்பாட்டில் நின்று முரசொலிக்கும் மங்கை.. பெண்கள் தொடர்ந்து புறக்கணிக்கப்படுவதை கேள்வி கேட்க தவறியதில்லை.. சமைப்பீர்களா  என கேட்டவரை நோக்கி 

ஏன் இந்த கேள்வியை ஆண்களை பார்த்து கேட்பதில்லை அப்பாவை (கலைஞர்) பார்த்து, என் அண்ணனை பார்த்து கேட்பதில்லை என தைரியமாக பெண்ணியம் பேசிய பெருமைக்குரியவர் ..

..

மிகச்சிறந்த நாடாளுமன்றவாதியாய், மக்கள் பிரச்சனையில் வாதிட தயங்காதவர், சிரித்துக் கொண்டே செம்மட்டியடி அடிப்பதில் அப்பனைப்போல.. அரசியலில் இன்னமும் பெண்களுக்கு போதிய அங்கீகாரம், அதிகாரம் கிடைக்கவில்லை என்பதறிந்து 

தொடர்ந்து வலியுறுத்தி வருகிறோம், திராவிடம் பேசும் இயக்கங்கள்  கூட இன்னமும் பெண்களுக்கு அதிக முக்கியத்துவம், அதிகாரத்தை அலங்கரிக்க செய்யவில்லை என்ற உண்மையை ஒப்புக்கொள்ளதான் வேண்டும்.. வாய்ப்பு கிடைக்கும் ஒருசிலரையும் "ஆண்" வழி நடத்தும் நிலை மாற வேண்டும்.. 

..

கனிமொழி இயக்கத்தின் மிக முக்கிய பொறுப்புகளை அடைய வேண்டும்.. 

காலம் கனியும் 

இனிய பிறந்தநாள் வாழ்த்துகள் 

கனிமொழி 

Kanimozhi Karunanidhi 

..

ஆலஞ்சியார் 

செம்மொழித் தமிழ்ப் பண்பாட்டுக் கூடல்

பெண்கள் கைகளிலிருந்து கரண்டியை பிடிங்கிக் கொண்டு புத்தகத்தை கொடுங்கள்..பெரியார்

அதோடு நிற்கவில்லை உங்கள் ஆண் குழந்தைகளை படிக்க வைக்காவிட்டாலும் பெண்குழந்தைகளை படிக்கவையுஙகள் அதற்காக வசதி உங்களூரில் இல்லையென்றால் வெளியூர் சென்று கூலி வேலை செய்தாவது படிக்க வையுங்கள் என்றார்..

..

பெரியார் வழிதோன்றல்கள் பெண்கள் கல்விக்கு மிகுந்த முக்கியத்துவம் தந்தார்கள்..  முதலில் எட்டாவது வரை படி திருமண நிதி தருகிறேன்.. பிறகு 12 வது வரை படி .. கல்லூரிக்கு வா கட்டணமில்லா கல்வி தருகிறேன் என்றவர்கள் இதோ மாதாமாதம் ₹1000 கல்லூரி மாணவிகளுக்கு ஊக்கதொகை என விரிவுபடுத்தி  பெண்களின் உயர்கல்வியை உறுதி செய்தார்கள் .. பெரியாரின் நேரடி சீடன் கலைஞர் எனும் பேரருளாளனின் சிந்தையில் செயலில் நடந்ததுதான்  இவையெல்லாம்..இன்று பெண் குழந்தைகள் பெரியளவில் பட்டம் பெற காரணம்,தமிழ்நாடு கல்வியில் முதன்மை மாநில திகழ காரணம் திராவிடத்தின் ஆட்சி..

.. 

உண்மையில் இன்று பெரியாருக்கு ஜே என கத்தியிருக்க வேண்டும் மத்திய அமைச்சர் எல்.முருகன் .. அவர் சுயமரியாதையோடு வலம் வர காரணமானவர் திராவிட ஆசான் பெரியார் தான்.. இல்லையெனில் வடமாநிலங்களை போல கட்டிவைத்திருப்பார்கள்.. தெருவில் நடமாட விடமாட்டார்கள் .. தமிழ்நாடு கல்வியில் மட்டுமல்ல தனிமனித சுதந்திரத்தை மானத்தை மரியாதையை பெற்று தந்திருக்கிறது அதற்கு முழுமுதல் காரணம் தந்தை பெரியார் ..

..

இன்றைய பாரதிதாசன் பல்கலைக்கழக பட்டமளிப்பு விழாவில் மாண்பமை இந்திய ஒன்றிய பிரதமர் கலந்துக்கொணடு தமிழ் நாட்டின் பெண்கல்வி புரட்சியை கண்டிருப்பார்.. இதில் குறிப்பிடத்தக்க விடயம் இஸ்லாமிய பெண்கள் பெருமளவில் பட்டம் பெற்றார்கள் அவர்கள் ஹிஜாப் அணிந்திருந்தனர்.. இங்கே கட்டுபாடுகள் என்ற பெயரில் மத துவேசம் இல்லை அவரவர் கோட்பாடுகளை பின்பற்றலாம் அதற்கு இடைஞ்சல் தருவது அரசின் வேலையில்லை..

..

குறிப்பாக முஸ்லிம் சமுகத்தில் பெண்களின் கல்வி பல்வேறு காரணங்களை காட்டி அடிப்படைவாதிகளால் மறைமுக தடை செய்தும் கணிசமான அளவில் பெண்குழந்தைகள் உயர்கல்வி பெறுவது நல்ல மாற்றத்திற்கு வழிவகுக்கிறது.. எல்லா சமூகங்களிலும் பெண்கல்வி குறித்த தாழ்வுநிலை இருந்தாலும் அதையெல்லாம் மீறி பெண் குழந்தைகள் உயர்கல்வியை நோக்கி வர தொடங்கியிருப்பதற்கு திராவிட அரசுகளின் பங்கு கணிசமானது .. இதெல்லாம் தெரிந்தும் சிலர் திராவிடம் என்ன செய்தது என சொரிந்துக் கொள்கிறார்கள்..

..

பெண்களைப் பற்றி 

"நிற்கையில் நீ நிமிர்ந்து நிற்பாய் குன்றத்தைப் போல" .. பாரதிதாசன் சொல்வார்.. 

..

பெண்ணே!

உயர பற உலகம் உனது

ஆலஞ்சியார் 

செம்மொழித் தமிழ்ப் பண்பாட்டுக் கூடல்

விஜயகாந்த் 

இவரைப் பற்றி பேச துவங்கினாலே இப்ராகிம் ராவுத்தர் ஞாபகம் வருகிறது .. மதுரையில் ரைஸ்மில்லை பாரத்துக்கொண்டிருந்தவரை சினிமா ஆசையை அறிந்து சென்னை அழைத்த வந்தவர்..

..

ஆரமபகாலங்களில் அவரை கேலிசெய்தவர்களின் அலுவலகம் சென்று சண்டை போட்டவர்.. நடித்தால் கதாநாயகனாக நடி என இல்லையென்றால் வேண்டாம் என்றவர்.. விஜயகாந்த் மார்க்கெட் கொஞ்சம் சரிந்த போது ராவுத்தர் பிலிம்ஸ்  என்ற கம்பெனியை உருவாக்கி வெற்றி படங்களை தந்தவர் .. அன்றைக்கு கும்பகோணம் யூகிசேது வின் தந்தையிடம் பைனான்ஸ் பெற்று படங்களை தயாரித்தார் விஜயகாந்திற்காக தானே பைனான்ஸ் கம்பெனியில் கடனுக்கு கையெழுத்திட்டு பணம் பெற்று புதிய இயக்குனர்களை கொண்டு வெற்றி படங்களை தந்து விஜயகாந்தின் வெற்றிக்கு வழிவகுத்தவர் ..  நட்பிற்கு எடுத்துக்காட்டாய் விளங்கிய மனிதர் தனக்கு கல்யாணம் ஆனால் விஜயகாந்தை பிரிய நேரிடுமோ என கல்யாணம் செய்தக் கொள்ளாதவர் இப்ராகிம்

..

ராவுத்தர் பிலிம்ஸில் தினமும் சாப்பாடு போட்டார், வெள்ளிக்கிழமை பிரியாணி என வருகிறவர்களுக்கு சாப்பாடு போட்டவர் இதெல்லாம் ராவுத்தர் பிரிவதற்கு முன்பு வரை நடந்தது.. தனக்கான வாழாமல் தன் நண்பனுக்காக வாழ்ந்தவர்

கடைசி காலத்தில் நோயின் பிடியில் இருந்த போது கூட விஜயகாந்த் அருகில் வைத்துக்கொள்ளவில்லை..  விஜயகாந்த் சினிமாவிற்கு வருவதற்கு முதன்மை காரணமானவர் ,

விஜயகாந்த் வாழ்வில் ஒளியேற்றியவர் இப்ராகிம் ராவுத்தர்  ஏனோ இந்நாளில் நினைவில் வந்தார் 

..

ஆலஞ்சியார்

இஸ்லாமிய சமுதாய பாதுகாவலர் எடப்பாடிக்கு வாழ்த்துகள் .. SDPI அரசியல் கட்சி அது தனக்கு வேண்டியவர்களோடு கூட்டணியமைக்க அதற்கு உரிமையுண்டு .. சமுதாயத்தை காப்பாற்றுகிற பணியில் தங்களை தவிர யாருக்கும் தகுதியில்லை என கருதி "பாதுகாவலன்"  பட்டத்தை எடப்பாடிக்கும் தரும் அந்த பெரிய மனதை பாராட்டாமல் போனாலும் வசைபாட கூடாது ..

..

SDPI பிழைப்புவாத இயக்கம் சமுதாய இளைஞர்களை வழக்கெடுக்கும் வேலைகளில் தன்னை முழுமூச்சாக ஈடுபடுத்திக் கொண்டு பாஜகவிற்கு சாதகமான சூழலை உருவாக்கும் வேலைகளில் எஜமானர்களின் சொல்லுக்கு ஆடும் விசுவாசமான எடுபடிகள்.. தலைமை எடுபடி எடப்பாடியை கொண்டாடாமல் போனால் தான் வியப்பு வரும்..  இஸ்லாமிய சமுதாயத்தைப் போல பரிதாபகரமான சமுதாயம் வேறெதும் இல்லை .. தடுக்கி விழுந்தால் தலைவன் அவன் வழியில் கொஞ்சமும் சிந்திக்காமல் ஒரு கூட்டம், ஏன் இப்படி என யாரும் கவலைக் கொள்வதில்லை ..

..

தங்களுக்கென ஒரு தலைவனை தேர்வு செய்ய முடியாமல் அதிகாரம்,பதவி தானென்ற மிதப்பில் "திரியும்" சிலரை தங்கள் சமுதாயத்தை காக்க வந்த "தெய்வமாய்" நினைத்து இளைஞர்கள் வழிகேட்டில் நிற்கிறார்கள்.. IUML ன் அலட்சியபோக்கு 

 குறிப்பாக தமிழகத்தில் இரு இலக்கங்களை தாண்டி "அமைப்புகள்" .. எல்லோருக்கும் சுயநலம் , தனக்கு கைதட்ட சிலர் இருந்தால் போதும் தலைவனாகிவிடலாம் .. பரிதாபம் தோன்றுகிறது ..

..

சிறைவாசிகளை விடுதலைச் செய்யவில்லை அதனால் அதிமுகவிற்கு ஆதரவு தருகிறோம் என சிலர் .. எதையும் திமுக சட்டரீதியாக வலுவான நிலையில் செய்யும் ஒரு உதாரணம் போதும் ஆந்திராவில் அவசரகதியில் கொண்டுவந்த இட ஒதுக்கீடடை உச்சநீதிமன்றம் தள்ளுபடி செய்தது அதை காரணம் காட்டி ஜெயலலிதா முதல் பார்ப்பன ஊடகங்கள் தமிழகத்திலும் இட ஒதுக்கீடு வராது வந்தாலும் ரத்தாகும் என புலம்பினர் .. கலைஞர் மிக தெளிவாக  சட்டவல்லுநர்களிடம் ஆலோசித்து பிற்படுத்தப்பட்ட ஆணையத்திடம் பரிந்துரைப் பெற்று 7.5%விழுக்காடுக்குமேல் போக கூடாது என்ற பரிந்துரையை ஏற்று இஸ்லாமிய கிருத்துவ சமுதாயத்திற்கு தலா 3.5% எனவும் ஜெயின் சமுதாய மக்களுக்கு 0.5%  விழுக்காடும் தந்தார் வழக்கம் போல் பார்ப்பனர் உச்சநீதிமன்றத்தை நாடினர் ஆனால் உச்சநீதிமன்றம் பிற்படுத்தபட்டோர் ஆணையத்தின் பரிந்துரை ஏற்று உள் இட ஒதுக்கீட்டை உறுதிப்படுத்தியது எடுத்தேன் கவிழ்த்தேன் என இல்லாமல் சரியான பாதையில் திமுக செல்லும் என்பதற்கு இந்த உதாரணம் போதும்.. 

..

எனக்கென்னவோ தமிழக இஸ்லாமிய சமுதாயத்திற்கு அதிமுகதான் சரியெனபடுகிறது ..  CAA  சட்டத்தை எதிர்த்து வாக்களித்திருந்தால் சட்டம் நிறைவேறியிருக்காது .. அதை செய்யாத அதிமுக சமுதாயத்தின் நம்பிக்கைக்குரிய கட்சியாக இருப்பது கொடுப்பினை.. தங்களுக்கென ஒரு தலைவனை கண்டறிய  முடியாத சமுகம், சட்டென்று உணர்சசிவயப்படும் சமுகம் நிலைகுலைந்து நிற்கும்.. 

சமுதாயத்தை பிடித்த பீடைகள் விலக காத்திருப்போம் ..

அது என்ன "மதசார்பின்மை"

..

ஆலஞ்சியார்

பொன்முடி ..

வருமானத்திற்கு அதிகமாக சொத்து சேர்த்த வழக்கில் கீழமை நீதிமன்றம் விடுவித்ததை எதிர்த்து வருமானவரித்துறை மேல்முறையீட்டு வழக்கை விசாரித்த உயர்நீதிமன்றம் மூன்றாண்டு தண்டனையும் 50லட்சம் அபராதம் என தீர்ப்பு வழங்கியிருக்கிறது ..

..

உயர்நீதி மன்ற தீர்ப்பை விமர்சிக்க கூடாது  .. ஆனால் தீர்ப்பில்  உள்ள முரண்கள் கேள்வி எழுப்புகிறது .. வருமானவரியை சரியான நேரத்தில் தாக்கல் செய்யவில்லை என குறிப்பிட்டிருப்பது  அபராதம் 10% விழுக்காட்டிற்கு மேல் இருப்பதும் இங்கே கேள்வி எழுகிறது இரண்டு பேரும் தலா 50 லட்சம் என்பது 1.75 கோடியில் ஏறக்குறைய 60% விழுக்காடு வருகிறது .. 

..

பொன்முடி துணைவியார் விசாலாட்சி அவர்களின் பெயரில் இயங்கும் விஷால் மோட்டார்ஸ் வருடம் ₹5 கோடி வியாபாரம் ஆவதாக வங்கி அதிகாரி சாட்சியம் அளித்திருக்கிறார் .. ஆனால் ₹1.75 அதிக வருவாய் என வருமான வரித்துறை  வழக்கு .. உச்சநீதிமன்றத்தில் இந்த வழக்கு நிற்காது என வழக்கறிஞர்கள் சொல்கிறார்கள் .. எது எப்படியோ பாஜக தன்னை எதிர்ப்பவர்கள வழக்குகளில் தனிக்கவனம் செலுத்துவதும் வேண்டியவர்களை வைத்து சந்திப்பதும் தொடர்கதையாகிறது..

..

உயர்நீதிமன்றம் தீர்ப்பை நிறுத்தி வைத்திருக்கிறது .. மேல்முறையீட்டிற்கான அவகாசம் தந்திருக்கிறது .. அலட்சியமாக இல்லாமல் நல்ல வழக்கறிஞர்களை கொண்டு வாதிட்டு இன்னும் திறமையான ஆடிட்டர் ஆலோசனையில் வழக்கை எதிர்க்கொள்ள வேண்டும் ..  இது ஊழல் வழக்காக நீதிமன்றம் கருதாமல் வருமானத்தை மீறிய (சொத்து/பணம்) என தீர்ப்பு   வழங்கியிருப்பதை கருத்தில் கொள்ளவேண்டும் .. இப்படி நிறைய முரண்கள் தீர்ப்பில் இருப்பதாக சட்ட வல்லுநர்கள் சொல்கிறார்கள்.. ஆனாலும் திமுக மீது விழுந்த கரை .. அதை துடைத்து வெளிவரவேண்டியது 

அவசியம்..

..

காத்திருப்போம்

..

ஆலஞ்சியார்